លួចទ្រព្យសម្បត្តិជនជាតិបរទេសបានជាង២០ម៉ោង ជនដៃដល់ត្រូវសមត្ថកិច្ចនគរបាលស្រាវជ្រាវបង្រ្កាបបាន!

ខេត្តបាត់ដំបង​ ៖ នៅថ្ងៃទី​១៤​ ខែ​ធ្នូ​ ឆ្នាំ២០១៨​ វេលាម៉ោង​១៦និង១០នាទី​អនុវត្តតាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុនស្នងការនគរបាលខេត្តបាត់ដំបង ក៏ដូចជាការដឹកនាំរបស់ឧត្តមសេនីយ៍ត្រី​ ជេត​ វណ្ណនី​ ស្នងការរងទទួលផែន ព្រហ្មទ័ណ្ឌ​ កម្លាំងនគរ បាល​ការិយាល័យព្រហ្មទ័ណ្ឌកំរិតធ្ងន់នៃស្នងការដ្ឋាននគរបាលខេត្តបាត់ដំបង បានធ្វើការស្រាវជ្រាវ និងឃាត់ខ្លួនជន សង្ស័យចំនួន០១នាក់នៅ​ចំណុចភូមិរំចេក ៤សង្កាត់រតន: ក្រុងបាត់​ដំបង​ ខេត្តបាត់ដំបង​ ។

ជនស័ង្សយឈ្មោះ សម្បត្តិ សុគាវណ្ណរាជ ហៅ ចិន ភេទ ប្រុស អាយុ២១ឆ្នាំ រស់នៅ​ភូមិ​បោះពោធិ៍ ឃុំអូរដំ​បង១​ស្រុកសង្កែ ខេត្តបាត់​ដំបង​ ។

ជនសង្ស័យរូបនេះ បានធ្វើសកម្មភាពលួច​យកទ្រព្យស ម្បត្តិរបស់ក្រុមគ្រូពេទ្យស្ម័គ្រចិត្ត ជាជនជាតិ(សិង្ហបូរី)កាលពីថ្ងៃ​ទី​១៣​ ខែ​ ធ្នូ​ ឆ្នាំ២០​១​៨​ម៉ោង​៤និង០០នាទីទៀបភ្លឺនៅក្នុងបន្ទប់​ស្នាក់​នៅ​បរិវេណម​ណ្ឌល​កុមារកំព្រាសន្តិភាព២ នៅ​ភូមិអូរដំបង ឃុំអូរដំបង២ ស្រុកសង្កែ ខេត្តបាត់​ដំបង​។

ក្នុងពេលឃាត់ខ្លួនស្រាវជ្រាវដកហូសម្ភារ:​ជា​ភស្តុតាងមាន៖
1-ទូរស័ព្ទដៃចំនួន០៦គ្រឿង
2-កុំព្យូទ័រឡេបថបចំ​នួន០២គ្រឿង
3-កាតធនាគារ០១សន្លឹក
4-អត្តសញ្ញាណប័ណ្ណចំនួន០២សន្លឹក ។

ករណីនេះការិយាល័យជំ​នាញ​កំពុងកសាងសំណុំរឿង បញ្ជូនជនសង្ស័យ និង វត្ថុតាងទៅ​សាលាដំបូងខេត្តបាត់ដំបង​ចាត់ការតាមផ្លូវច្បាប់៕

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More